Жасалған жағдайға мониторинг жүргізді
ЖОСАЛЫ, 2 наурыз – qarmaqshy-tany.kz «Nur Otan» партиясы аудандық филиалының партиялық бақылау комиссиясы Жосалы теміржол вокзалының мүмкіндігі шектеулі жандар үшін жасалған жағдайға мониторинг жүргізді. Мониторинг жұмысына партиялық бақылау комиссиясының төрағасы А.Үсенов мүшелері К.Раева, Г.Жалелова, Ж.Шаймерден т.б қатысты.
Теміржол вокзалының кіре берісінде арнайы пандус, қызметкерлерді шақыру сигналы, анықтама бюросында мүгедектер арбасы, есту аппараты орналасқан және билет алу кассасында бөлек терезе, күту залында арнайы орындықтар орнатылған. Перроның бірінші жолында мүгедектерге арналған жолақ сары сызық сызылған. Ғимараттың жанында дәріхана орналасқан. Оған мүмкіндігі шектеулі тұлғалардың еркін кіріп шығуына пандус орнатылған. Мониторинг барысында мүмкіндігі шектеулі жандарға біршама жағдайлардың жасалғандығы байқалып отыр.
