«Nur Otan» партиясының "Кедергісіз келешек" жобасы аясында әлеуметтік маңызы бар нысандардың мүмкіндігі шектеулі жандарға бейімделуін жақсарту мақсатында Қармақшы ауданында қоғамдық бақылау тобы құрылды. Жұмысты жүйелі жүргізу үшін қоғамдық бақылау тобының құрамына «Nur Otan» партиясы Қармақшы аудандық филиалы, аудандық жұмыспен қамту, әлеуметтік бағдарламалар және азаматтық хал актілерін тіркеу бөлімі, аудандық сәулет және қала құрылысы бөлімінің мамандары енгізілді.

«Nur Otan» партиясы Қармақшы аудандық филиалының қоғамдық бақылау тобы әлеуметтік маңызы бар нысандарды аралау барысында (пандустар, мүмкіндігі шектеулі жандарға арналған автотұрақтар, арнайы дыбыс белгісі және т.б) ережеге сәйкес тексеріп, арнайы мониторинг жасалды.