Мамандардың айтуынша, COVID-19 инфекциясының арқасында ауа ластануынан көз жұматындар саны азаяды.

Қытайда соңғы екі айда атмосфераға лас заттардың бөлінуі тоқтап, бес жасқа дейін төрт мың бала мен 70 жасқа дейінгі 73 мың ересектің аман қалуына себеп болған.

Италияның солтүстігінде де ауа ластануының айтарлықтай азайғанын көрсететін суптниктік деректер бар. Елде автокөліктер, жүк көліктері мен электр станцияларынан бөлінетін азот диоксидінің деңгейі едәуір азайған.

Еске сала кетсек, бұған дейін NASA мамандары коронавирустыңэкологияға оң әсер еткенін анықтаған еді.

Уханьда 2019 жылы пайда болған короновирус салдарынан Қытай билігі қаланы жауып, кәсіпорындар мен транспорттық қозғалысты тоқтатқан

NASA мамандарының сөзінше, бұл өзгерістер ел экономикасына айтарлықтай шығын әкелгенімен, Уханьдағы экологиялық жағдай біраз жақсарған. Бастапқыда бұл тек Уханьда ғана байқалған, алайда қазіргі уақытта Қытайдың басқа да аудандарындағы экологиялық жағдай жақсара түскен.