Қазақстанда коронавирус жұқтырғандардың саны 32-ге жетті
Бұған дейін 27 адамнан коронавирус анықталғаны хабарланған еді, оның 11-і Алматыда, қалған 16-сы Нұр-Сұлтан қаласында
Қазақстанда тағы бес адамнан коронавирус табылды, деп хабарлайды Sputnik Қазақстан денсаулық сақтау министрлігіне сілтеме жасай отырып.
Соңғы мәліметтер бойынша, Қазақстанда тағы да коронавирус жұқтырған адамдар анықталды. Алматы қаласында - 4 адам, Нұр-Сұлтан қаласында - 1 адам.
Сонымен, Қазақстанда коронавирус жұқтырғандардың саны 32-ге жетті. Нұр-Сұлтанда - 17 адам, Алматы қаласында - 15 адам.
19 наурыздан бастап Нұр-Сұлтан мен Алматы карантинге жабылады. Президент жанындағы төтенше жағдай режимін қамтамасыз ету жөніндегі мемлекеттік комиссия осындай шешім қабылдады.
