Жәрмеңке өтті
Ат ізін суытпай кентте тағы да арзан бағамен өнім сатылды. Жәрмеңке кенттегі Сексенбаев көшесінің бойында өтті. Таңсәріден өз жұмысын бастап кеткен кәсіпкерлер бұл жолы да тұтунышыны сапалы өніммен қамтамасыз етті.Сатушылар жалпы көлемде 21,5 тонна тауар әкелінген болатын. Оның ішінде ең көп сұраныстағы картоп өнімі 15 тонна, жуа – 4 тонна, сәбіз – 2 тонна және жарты тонна макарон сатылымға шығарылды. Жәрмеңкеде картоптың келісі – 80, сәбіз – 75, жуа – 70 теңгеден сатылса, макаронның 20 келілік қабы – 2800 теңгеден саудаланды. Әкелінген өнімнің 70 проценті сатылып, тұтынушыны риза етті. Алдағы демалыс күндері де кезекті жәрмеңке өткізу жоспарлануда.
