Облыстық «Жастар ресурстық орталығында» басқосты
Облыстық «Жастар ресурстық орталығында» «Nur Otan» партиясының хатшысы Арман Қырықбаев қонақта болды.
Сыр жастарымен кездесуде партия хатшысы «Nur Otan»-ның атқарылған ауқымды істері мен алға қойған мақсаттарын ортаға салды. «Jas Otan» жастар қанатының жастар арасындағы рөлі, оның жарқын жобалары төңірегінде әңгіме өрбітті. Сондай-ақ, кездесуде жуырда қалалық мәслихат депутаттығына сайланған жастарға куәліктер табыстады.
Айта кетейік, жүз мыңнан астам жасты біріктірген ұйымның барлық өңірде филиалы бар. Қазір партияның жастар қанаты басшылары еліміздің түкпір-түкпірін аралауда. Мақсат - әрбір жастың пікірін ескеріп, маңызды мәселелеріне құлақ түру.
