Ұлттың ұлт болып сақталуы, оның ұрпағының дұрыс өсуінде, санасы дамып, рухы өр болып қалыптасуында жатыр.Тамыры мықты болмаған дарақтың құлайтыны тәрізді, бала дұрыс жетіліп, толыққанды азамат болуы үшін, отбасының беріктігі, отбасы мүшелерінің татулығы, отбасы мүшелерінің бір –біріне деген ыстық ықыласы екендігі сөзсіз. Жиынға халқымыздың перзенті, құрметті қонағымыз Абайтанушы ғалым, филология ғалымдарының кандидаты Омар Темирбеков Жанелұлы қатысып , келелі ойлармен бөлісті.

Аудан әкімінің орынбасары Ж.Омаров «Отбасының құндылығы – мемлекеттің беріктігі » тақырыбында ,«Тегіңді сақтаймын десең ұлыңды тәрбиеле, ұлтыңды сақтаймын десең қызыңды тәрбиеле!» тақырыбында білім бөлімінің басшысы Д.Нәзікбаев «Ұрпақ тәрбиесі- ұлт болашағы» тақырыбында №273 мектептің директоры Ғ.Ұзақбаев , «Ұлтыңды ойласаң, рухты ұрпақ тәрбиеле» тақырыбында №109 мектептің тәрбие ісі жөніндегі орынбасары Қ. Сәденов ой бөлісті. Ата-аналарға арналған арнау оқылып, Екінші бөлімде ұлын ұяға, қызын қияға орналастырған, ұстанған отбасылық тәрбиесімен, мәдениетімен, шеберлігімен үлгілі жақтарымен дараланған отбасыларды аудан әкімінің алғыс хатымен марапатталды. Игі істер жалғасын таппақ.