Мәдениет саласы қызметкерлерімен алқа отырысы өтті
ЖОСАЛЫ, 14 ақпан – qarmaqshy-tany.kz К.Рүстембеков атындағы жыраулар үйінде Қармақшы аудандық мәдениет саласының 2019 жылы атқарылған және алдағы уақытта атқарылатын жұмыстары туралы кеңейтілген алқа отырысы өткізіліп, аудан әкімінің орынбасары Омаров Жарқын Тұрмаханұлы қатысты.
Күн тәртібінде қаралып, талқыланған мәселелер: Ауданда мәдениет саласы бойынша 2019 жылы атқарылған жұмыстардың қорытындысы және алдағы міндеттері туралы Қармақшы аудандық мәдениет және тілдерді дамыту бөлімі басшысының міндетін уақытша атқарушысы Ерсұлтанов Еркінбек Бөрібайұлы баяндама жасады.
ІІІ Интернационал ауылдық мәдениет үйіде және Жаңажол ауылдық клуб үйінде үйірме жұмыстарының жүргізілуі, талантты жастарды қолдау бағытында 2019 жылы атқарылған жұмыстар туралы ІІІ Интернационал ауылдық мәдениет үйі директорының міндетін уақытша атқарушысы Өмірзақова Индира Байділдақызы және Жаңажол ауылдық клуб үйінің директоры Құлғараев Мирас Амантайұлы баяндады.
Алқа отырысын Қармақшы ауданы әкімінің орынбасары Омаров Жарқын Тұрмаханұлы қорытындылап, 2019 жылдың қорытындысы бойынша аудандық мәдениет саласының қызметкерлерін Қызылорда облысы әкімі, Қызылорда облысының мәдениет, архивтер және құжаттама басқармасы басшысының және Қармақшы ауданы әкімі орынбасарының алғыс хаттарымен марапаттаса, Қармақшы аудандық мәдениет және тілдерді дамыту бөлімі басшысының міндетін уақытша атқарушысы Ерсұлтанов Еркінбек Бөрібайұлы Ә.Тәжібаев атындағы облыстық әмбебап ғылыми кітапханасы директорының және Қармақшы аудандық мәдениет және тілдерді дамыту бөлімі басшысының алғыс хаттарымен марапаттады.
