Тұрғындар тілегі ескерусіз қалмайды

Мемлекет басшысы Қасым-Жомарт Тоқаевтың «Сындарлы қоғамдық диалог – Қазақстанның тұрақтылығы мен өркендеуінің негізі» атты Қазақстан халқына арнаған Жолдауында «Халық үніне құлақ асатын мемлекет» тұжырымдамасына ерекше назар аударылған. Ондағы басты мақсат – халықпен тікелей қатынас орнату.
Өткен аптада аудан әкімі Мұса Қалдарбеков тұрғындарды жеке мәселелері бойынша қабылдады. Қабылдауға тіркелген отыздан аса тұрғын, өздерінің мұң-мұқтаждары мен өтініштерін бүкпесіз айтып, оған нақты жауап алды. Сондай-ақ тұрғындардың мәселесін шешуге аудан әкімінің орынбасарлары, тиісті мекеме басшылары қатысты.
Көтерілген мәселенің басым бөлігі – жұмыспен қамту, баспана, көше жөндеуге қатысты сауалдар. Әр азаматты мұқият тыңдаған аудан басшысы тұрғындардың өтінішінің кейбірін сол мезетте түйінін тарқатып, тиісті сала басшыларына нақты тапсырмалар берді. Ал кей талап-тілектер қолданыстағы заң талаптарына сай зерделеніп, жауап беретіндігі айтылды. Алдағы уақытта келіп түскен шағымдарды өз қадағалауын алатынын жеткізді.

Ерсін ӘБЛӘКИЕВ