Аудан әкімі тұрғындарды қабылдады
ЖОСАЛЫ, 1 қараша - qarmaqshy-tany.kz Аудан әкімі Мұса Оспанұлы аудан әкімдігінің мәжіліс залында тұрғындарды жеке мәселелері бойынша қабылдау өткізді, деп жазады аудан әкімінің баспасөз қызметі.
Көтерілген мәселенің басым бөлігі жұмыспен қамту, әлеуметтік атаулы көмектің қолданыстағы жүйесінің берілуінің өзгеруі, тұрғын үй алу мүмкіндіктері, көшелерді жөндеу жұмысы бойынша тұрғындар сауалын қойды. Өз кезегінде аудан әкімі тұрғындардың арыз-шағымдары бойынша тиісті сала басшыларына нақты тапсырмалар берді. Алдағы уақытта келіп түскен шағымдарды өз қадағалауына алатынын жеткізді. Жеке және заңды тұлғалардың өтінішін қарау туралы заңдылыққа сәйкес жергілікті билік органының өз құзыреті аясында мәселелерді шешу мақсатында тиісті шаралар қабылданатын болады.
