Аудан әкімі Мақашов Сұлтан Ысқақұлының төрағалығымен Жосалы кентінің көше комитеттерімен кездесу өтті.

Кездесу барысында Жосалы кентіндегі санитарлық тазалық, көркейту көгалдандыру және қоғамдық тәртіп мәселелері туралы көше комитеттерімен аудандағы сала басшыларымен талқылады.

Кенттегі жеке тұрғындардың малдарын қараусыз қалдырмау, көше бойындағы қоқыстарды тиым салынған жерлерге тастамау керектігі, өз тұрғын үйлерінің алдын таза ұстау қажеттілігі жөнінде көше комитеттерінің ұсыныстары талданып тазалық мәселесі басты назарға қойылды.

Алдағы уақытта күл – қоқыс тастау, кентте көркейту ережелерін бұзғаны үшін иесіз малдардың жүру фактілері бойынша шара қолдану жұмыстары күшейтілетін болады.

Жиын қорытындысымен алдағы уақытта бірлесіп тұрғындармен жұмыстар атқару, халық пен билік арасында тығыз қарым-қатынас орнатып, тұрғындар арасындағы маңызды мәселелерді шешу жолдарын қарастыру болды.