М.Қалдарбеков: Мәселелер кезеңімен шешімін табады
ЖОСАЛЫ, 30 қаңтар – qarmaqshy-tany.kz Аудан халқының өткен жылғы есепті кездесуде айтылған ұсыныс пікірлері ескеріліп 20 тармақ бойынша іс-шаралар белгілен. Бүгінгі күнге, оның 8 өз шешімін тапса, 11 қосымша бақылауға алынып, 1 түсіндірме берілді.
- Бақылауға алынған мәселелерге тиісті органдарға ұсыныстар берілді және кезең-кезеңімен шешімін табатын болады. Ендігі кезекте ауданымыздың жыл бойында атқарылған әлеуметтік-экономикалық даму көрсеткіштеріне тоқталып өтейін. Негізгі салаларда біршама оңды өзгерістерге қол жеткіздік. Қармақшы ауданы бюджетінің 2020 жылдың 1 қаңтарына түсімдер болжамы 16 млрд 335, 5 млн теңге орнына 16 млрд 391,6 млн теңгеге атқарылып, 100,3% құрады. Есепті кезеңге аудандық бюджетінің өз кірістерінің жоспары 1 млрд 046,5 млн теңге болса, нақты атқарылуы 1 млдр 093,1 млн теңгені, яғни 104,5% құрады, 46,6 млн теңге жергілікті бюджетке жоспардан артық түсті.Аудан бойынша 2020 жылдың 1 қаңтарына аудан бюджетінің шығындар жоспары 16 млрд 355,6 млн теңге орнына 16 млрд 281,0 млн теңгеге атқарылып, 99,5 пайызды құрады.
