АУДАН ӘКІМІНІҢ ЕСЕБІ
Бүгін Қармақшы ауданында аудан әкімі С. Мақашовтың есепті жиналысы басталды. Онда 2017 жылғы әлеуметтік-экономикалық даму бағытындағы мәселелер сөз болды. Өткен 2017 жыл аудан халқы үшін жақсы істер мен жағымды жаңалықтарға толы болғаны баршамызға мәлім. Осыған байланысты Елбасы Жолдауынан туындайтын міндеттерді орындауда көптеген жұмыстар жасалды.
Атқарылған жұмыстар халықтың әлеуметтік жағдайын жақсартуға, өтініш-тілектері мен көтерген мәселелерін шешу мақсатында жүргізілді және бірқатар мәселелер шешімін тапты. Аудан халқымен өткен жылғы есепті кездесуде айтылған ұсыныс-пікірлер бойынша 31 іс-шара белгіленді. Бүгінгі күнге, оның 19-ы өз шешімін тапса, 9-ы қосымша бақылауға алынып, 3-еуіне түсіндірме берілді. Бақылауға алынған мәселелердің негізгі бөлігі құрылысты және жөндеуді қажет ететін жұмыстар. Олар бойынша тиісті жоғары тұрған органдарға ұсыныстар берілді және кезең-кезеңімен шешімін табатын болатынын аудан тұрғындарына мәлімдеді.
