Аудандық сотта семинар сабақ өтті
ЖОСАЛЫ, 29 қаңтар – qarmaqshy-tany.kz Қармақшы аудандық сотында мемлекеттік тілдің мәртебесін көтеру мақсатында «Тіл — ұлттың жаны» тақырыбында семинар сабағы өтті, деп жазады аудандық соттың баспасөз қызметі.
Іс-шараға кеңсе меңгерушісі Е.Мәтжанов және сот мамандары қатысты.
Семинар барысында бас маман-сот отырысының хатшысы М.Есбаев: «Мемлекеттік қызмет мемлекеттік саясатты жүзеге асыратын биліктің бірден-бір құрылымы болса, мемлекеттік тілді дамыту мемлекет саясаттарының бірі. Сондықтан әрбір мемлекеттік қызметкердің ұлтымыздың қазынасы мемлекеттік тілді білуі міндет. Тілдің қолданысын тиісті деңгейіне көтеру біздің парызымыз. Мемлекеттік тіл – мемлекеттің бүкіл аумағында қоғамдық қатынастардың барлық саласында қолданылатын мемлекеттік басқару, заң шығару, сот ісін жүргізу және іс қағаздарын жүргізу тілі болғандықтан мәртебесі жоғары болуы тиіс» екенін атап өтті.
Кеңсе меңгерушісі Е.Мәтжанов әрбір мемлекеттік қызметкер тілді дамытуға үлес қосуына міндетті екендігін түсініп, іс жүзінде парызын адалдық танытса, ұлттың қазығы да, қазынасы да тіліміздің абыройының асқақтайтыны анық екенін атап өтті.
Семинар сабағының соңында қатысушылар мемлекеттік тілді одан әрі дамыту үшін пікір алмасты.
