Қоғамдық кеңес отырысында аудан әкімінің есебі тыңдалды
ЖОСАЛЫ, 28 қаңтар – qarmaqshy-tany.kz Бүгін аудан әкімдігінің мәжіліс залында аудандық Қоғамдық кеңес отырысы өтті.
Кеңесте «Қармақшы ауданының әкімі М.Қалдарбековтың 2019 жылы атқарған жұмыстары мен алдағы міндеттері туралы» есепті баяндамасы, «Аудандық мәслихат хатшысы М.Наятұлының 2019 жылғы аудандық мәслихаттың жұмысы жайлы» хабарламасы, «Аудандық Қоғамдық кеңес төрағасының аудандық қоғамдық кеңестің 2019 жылғы атқарған жұмыстары туралы» хабарламасы тыңдалды.
Қоғамдық кеңес мүшелері Қ.Есдәулетов, Ш.Құндақбаев, Ж.Жәкеев баяндамашыларға аудан көлемінде атқарған жұмыстарына оң бағасын беріп, жүргізілген жұмыстар - бірліктің, ынтымақтың нәтижесі, алдағы уақытта әлі талай ізгі істер жалғасын табатынына сенімді екендерін жеткізді.
Кеңес соңында ауданды Қоғамдық кеңестің ҚАРАРЫ қабылданып, Қармақшы ауданының әкімі М.Қалдарбековтың 2019 жылғы қызметіне «қанағаттанарлық» баға берілді.
