» » Энергия көзін жетілдіру жаңаша сипат алып келеді

Энергия көзін жетілдіру жаңаша сипат алып келеді

Кеше облыс әкімі Қуанышбек Ысқақов «Renovatio Group»  компаниясының тең құрылтайшысы әрі серіктесі Джеймс Колтер Иеди, «EDPR» компаниясының өкілі Дуарте Нуно Менедес да Коста және «BDC Consulting KZ» компаниясының директоры Махмудов Ахад Хошимовичтермен кездесті, деп жазады Сыр бойы. Басқосу барысында облыста жаңартылатын энергия көздерін пайдаланатын электр станцияларын құру жобасы талқыланды. Шетелдік компания өкілдері әріптестік танытуға ынталы екендігін жеткізіп, екі жақты келісімге қол қойды.
200 Мвт күн электр станциясы құрылысының құны – 100 млн АҚШ доллары. Жобаны жүзеге асыру үшін Қызылорда қаласының сол жағалауынан 400 гектар жер учаскесі таңдалған. Жоба ақпан айын­да басталмақ. Электр станциясының құрылысы келер жылдың соңында пайдалануға беріледі деп күтілуде. Бұл ретте аймақ басшысы елімізде, оның ішінде Сыр өңірінде шетелдік инвесторларға қолайлы жағдай жасалғанын және осындай ұтымды жобаларды жүзеге асыру екі тарапқа да тиімді екенін атап өтті.
– Әлемде қалыптасқан күрделі эконо­микалық жағдайға байланысты өңірлік сауда-экономикалық ынтымақтастықты кеңейтудің маңызы зор. Екі жақты жұмыс нәтижесінде соңғы 5 жылда Қазақстанның Португалиямен өзара саудасы 2,3 млрд АҚШ долларына жеткен. Оның ішінде импорт көлемі – 81,2 млн АҚШ доллары. Қазақстандық экспортталушы өнімдер қатарында мұнай, мақта, қара металл бар. Ал, Португалиядан Қазақстанға электр машиналары, су көлігі, фармацевтикалық өнімдер келеді.  Қызылорда облысын инвестиция тарту секторы ретінде таңдағандарыңыз үшін қуаныштымыз. Аймақта табиғи ресурстар саны жетерлік. Облыстың жер қойнауында Менделеев кестесіндегі барлық элементтер бар екенін мақтанышпен айта аламыз, –  деді облыс әкімі.
Жиын соңында Джеймс Колтер Иеди жобаны жүзеге асыруға қолдау көрсетіп отырған облыс әкімдігіне алғыс білдіріп, Қызылорданың экономика, инфрақұрылым жағынан толықтай дамығанына тоқталды. Алдағы уақытта бірлескен байыпты істердің жүзеге асатынын алға тартты.
Жалпы, өңірде жаңартылатын электр энергиясының көздерін дамыту жұмыс­тары жүйелі іске асуда. Бізде күн сәулесінің орташа жылдық ұзақтығы 3 мың сағаттан артық екені ескерілген. Облыста бұдан бөлек Ұлыбритания, Франция және Болгария елдері инвесторларының қатысуымен энергия көздері бойынша тағы 3 жоба қолға алынған.
16 қаңтар 2020 ж. 34 0

PDF нұсқалар мұрағаты

№6 (9860)

25 қаңтар 2020 ж.

№5 (9859)

21 қаңтар 2020 ж.

№4 (9858)

20 қаңтар 2020 ж.

Хабарландыру

Х А Б А Р Л А Н Д Ы Р У !

Х А Б А Р Л А Н Д Ы Р У !

07 қаңтар 2020 ж.

Сұхбат

Театр өнеріне тәнтімін
27 қаңтар 2020 ж. 36

Суреттер сөйлейдi

Жаңалықтар мұрағаты

«    Қаңтар 2020    »
ДсСсСрБсЖмСбЖс
 12345
6789101112
13141516171819
20212223242526
2728293031