Парламент сенатының депутаттары ауданда
ЖОСАЛЫ, 9 қаңтар – qarmaqshy-tany.kz Қазақстан Республикасы Парламенті Сенатының депутаттары Бекмырза Қайыпұлы, Мұрат Бақтиярұлы және Дана Нұржігіт Қармақшы ауданына жұмыс сапармен келіп, аудан активімен кездесу өткізді.
Кездесуге аудан активі, аудандық мәслихат депутаттары, мекеме-кәсіпорын басшылары, білім, денсаулық сақтау және әлеуметтік сала қызметкерлері, БАҚ өкілдері қатысты.
Кездесу барысында ҚР Парламент Сенатының әлеуметтік-мәдени даму және ғылым комитетінің төрағасы Мұрат Бақтиярұлы Мемлекет басшысының тапсырмасы бойынша Парламент қабырғасында атқарылып жатқан жұмыстар, қабылданған заңдар мен алдағы уақытта депутаттардың назарына ұсынылатын жобалар төңірегінде кеңінен әңгімелеп берді. Әсіресе халық қалаулылары жақында ғана қабылданған «Педагог мәртебесі туралы» заңға ерекше тоқталды.
Әрі қарай жиынға қатысушылар сұрақтарын қойып, Парламент Сенатының депутаттары жауап беріп, мәселеге байланысты өздерінің ой-пікірлерін білдірді.
Басқосу соңында аудан әкімінің міндетін атқарушы Әділ Қошалақов ауданға арнайы жұмыс сапарымен келген депутаттарға алғысын айтты.
