Қызылордада көпбалалы аналарға пәтер кілті табысталды
Қызылордада облыс әкімі Қуанышбек Ысқақов Жаңа жыл қарсаңында көпбалалы аналар мен «Атамекен» балалар ауылының екі тәрбиеленушісіне жаңа пәтер кілтін табыс етті, деп хабарлайды ҚазАқпарат.
Бүгін облыс әкімі Қызылорда қаласындағы бірқатар нысанды аралады. Алдымен балаларға арналған әлеуметтік қызметтер көрсету орталығының жұмысымен танысып, бүлдіршіндерге арналған ертеңгілікке қатысты. Сондай-ақ, «Атамекен» отбасы үлгісіндегі балалар ауылының тәрбиеленушілерімен кездесті. Балалар ауылында «Робот техникасы», «Медиа клуб», «Шағын тігін шеберханасы», «Балалар және қолөнер бөлмесі» және «Арт студиясы» кабинеттері ашылған.
