Тәуелсіздік күнін атап өтті
ЖОСАЛЫ, 13 желтоқсан – qarmaqshy-tany.kz Бүгін Ш.Төлепова атындағы аудандық мәдениет үйінде Тәуелсіздіктің 28 жылдығына арналған «Елімнің бақытын тербеткен – Тәуелсіздік» атты салтанатты жиын өтті.
Жиында аудан әкімі Мұса Оспанұлы аудан тұрғындарын Қазақстан Республикасы Тәуелсіздігінің 28 жылдығы мерекесімен құттықтап, ауданымыздың әлеуметтік–экономикалық дамуына елеулі үлес қосқан сала үздіктерін облыс әкімі және аудан әкімінің алғыс хаттармен марапаттады.
Сонымен қатар, Қазақстан Республикасы Парламенті Сенатының төрағасы Дариға Назарбаеваның Алғыс хатымен Гүлжауһар Төлегенқызы, Төлеу Айманұлы және «Nur Otan» партиясының қолдауымен өткізілген рухани мұра ұлттық құндылығымыз жыр-термені насихаттауға арналған «ЖЫР-АМАНАТ» концерт-спектакліне қатысқаны үшін Көшеней Рүстембеков атындағы жыраулар үйін «Nur Otan» партиясы Төрағасының Бірінші орынбасары Бауыржан Байбектің дипломымен марапаттады.
Мерекелік салтанатты жиында мемлекеттік қызметке жаңадан тағайындалған мемлекеттік қызметшілердің ант қабылдау рәсімі өткізіліп, салтанатты жиын аудан өнерпаздарының арнайы дайындаған концерттік бағдарламасына жалғасты.
