Төретамда семинар өтті
ЖОСАЛЫ, 14 қараша - qarmaqshy-tany.kz Төретам кентіндегі №85 орта мектепте мектептің даму жоспарына сәйкес "Желілік қоғамдастықты дамыту" тақырыбында семинар өтті. Алматы қаласындағы Педагогикалық шеберлік орталығының жаңартылған білім беру бойынша курс тренері Бағдагүл Сайфуллақызы, №29 мектептің директоры Зарипа Тасымова, №26 мектеп директоры Болат Мәлікұлы, №30 мектеп директоры Бауыржан Назарұлы және мектеп мұғалімдері қатысты. Семинардың басында орыс тілі пәні мұғалімі Д.Жунусова "Кәсіби қауымдастық құру арқылы дамудың тұрақты болуын қалай қолдаймын?" тақырыбында коучинг жүргізіп, бастауыш сынып мұғалімі А.Искакованың 4 "Б" сыныбындағы жаратылыстану пәнінен Lesson Study тізбектелген сабағының "Заттың күйлері" тақырыбындағы екінші сабағын тамашалады. Семинар соңында семинарға қатысушылар дөңгелек үстелге қатысып, жүргізілген жұмыстар жөнінде өз пікірін айтып, мектеп қонақтары өзінің жақсы лебізін білдірді. 
