Қармақшы аудандық білім бөлімінің ұйымдастыруымен жылдық жоспарға сәйкес технология пәні бойынша №275 орта мектепте «Халық мұрасы-қолөнер» тақырыбындағы аудандық семинар өткізілді. Ауданның технология пәні мұғалімдері шеберлік сыныптарына қатысып, тәжірибе алмасты.

Семинарда №275 орта мектептің технология пәні мұғалімдері Р.Ұзақбаева мен Қ.Оспановалар ашық сабақтар өткізсе, Ш.Умаркулов пен А.Абтикеровалар шеберлік сыныптарын өткізді. №275 мектептің технология пәні мұғалімі, жас маман Н.Байдиолда мектептің технология пәні мұғалімдерінің көрмелерімен таныстырды.

Семинар соңында мектептің музыка пәнінің мұғалімі К.Нарманова «Өнерлі өнерге, жас талант!» тақырыбында концерт-дефиле өткізіп, математика пәнінің мұғалімі, мектеп тренері А.Пазылбекова кері байланыс жасап, қорытындылады.