Аймақтық шеберлік

Қармақшы аудандық білім бөлімінің ұйымдастыруымен ағылшын тілі пәнінен мектеп түлектерін ҰБТ-ге ағылшын тілі пәні бойынша дайындау мақсатында Төретам кентіндегі №80 мектеп-гимназиясы, №85, №269 мектептер, Ақай ауылы бойынша №99, №279 мектептер, Байқоңыр қаласы бойынша №272, №273, №274, №275, №277 мектеп-лицейінің оқушылары мен ағылшын тілі пәнінің мұғалімдерінің қатысуымен аймақтық шеберлік сыныбы өткізілді.

Шеберлік сыныбына №273 мектептің ағылшын тілі пәні мұғалімі Д.Наурызалиева, №275 мектептің ағылшын тілі пәні мұғалімі Б.Сүлейменова, №277 мектеп-лицейінің ағылшын тілі пәні мұғалімі А.Аяповалар грамматика бойынша шеберлік сыныптарын көрсетіп, оқушылардан соңында сынама тест алды.