А.Жанпейісов атындағы №105 мектеп-лицейінде "Парасат" желілік қауымдастықтың семинары өткізілді. Желілік қауымдастықтың құрамына ауданда 9 мектеп кіріп, 105 мектеп-лицейі тірек мектебі болып 2015 жылы бекітілген. Жылдық жоспарға сәйкес "Тиімді сұрақ оқушылардың ойлау қабілетін арттырудың құралы" тақырыбында семинар өткізілді.

Семинар мақсаты: "Парасат" желілік қауымдастық мектептері арасында жаңартылған бағдарлама мазмұны бойынша өзара тәжірибе алмасу. Семинарда бастауыш сынып мұғалімі М.Орынбаева 2 сыныпқа әдебиеттік оқу пәнінен, Ж.Қаналиева 8 сыныпқа қазақ әдебиеті пәнінен, Н.Джубанова 7 сыныпқа география пәнінен сабақ және Ж.Таширова мұғалімдермен коучинг өткізді. Семинар өз дәрежесінде өткізіліп, аудан мектептерінен келген пән мұғалімдері жақсы пікірлерін білдірді.