Диірментөбеде протон құлады
ЖОСАЛЫ, 4 қараша - qarmaqshy-tany.kz Диірментөбе елді мекенінің аумағында 31 қазан-1 қараша аралығында «Протон - 2019» Республикалық командалық-штабтық оқу-жаттығуы өтті. Оқу-жаттығудың негізгі мақсаты - «Байқоңыр» ғарыш айлағынан ұшыру кезінде зымыран-тасығыштардың аварияларымен байланысты төтенше жағдайлар туындаған кездегі іс-қимылдарға азаматтық қорғаудың мемлекеттік жүйесін басқару, өңірлік құрылымдық күштердің дайындығын пысықтау.
Тәжірибелік іс-қимылға төтенше жағдайлардың алдын алу және жою жөніндегі республикалық комиссиялар, эвакуациялық комиссиялар, азаматтық қорғау қызметтері, өзге де мемлекеттік органдар мен ұйымдар қатысты.
Сонымен бірге оқу–жаттығуына 63 техника мен 450-ге жуық адам жұмылдырылды.
