"Таңсықбайдың" ардагер-кәсіпкерлерін құттықтады
"Nur Otan" партияcы Қармақшы аудандық филиалы қызметкерлерінің қатысуымен 1 қазан - Халықаралық Қарттар күні мерекесіне орай «АРДАГЕРЛЕРДІ АРДАҚТАЙЫҚ» партиялық жобасы аясында аудандық мәслихат депутаты, фракция жетекшісі Күлжауһар Раева Жосалы кенті орталығындағы «Таңсықбай» базарының ардагерлерімен кездесті. Кездесуге аудандық кәсіпкерлік палатасының директоры Арман Серікұлы, «Таңсықбай» базарының директоры Алтынбек Таңсықбайұлы, және ардагер кәсіпкерлер қатысты. Аудандық мәслихат депутаты, фракция жетекшісі Раева Күлжауһар Төлегенқызы ардагерлерді мерейлі мерекесімен құттықтап, «Nur Otan» партиясы Қармақшы аудандық филиалының құттықтау хатын табыс етті.Сонымен қатар, ардагерлер әрдайым партияның назарында болатындығын жеткізді, өз кезегінде ардагерлер ризашылығын білдіріп, "Nur Otan" партияcына деген алғыстарын айтты.
