Тұрғындармен кездесті
qarmaqshy-tany.kz Аудандық прокуратураның ұйымдастыруымен, полиция органының қатысуымен кент әкімішілігінде тұрғындармен кездесу өтті. Мақсат - прокуратура мен полиция органдарына халықтың сенімін арттыру, халықтың ұсыныс-сауалын зерделеп, қоғамда болып жатқан қылмыстың алдын алу шараларын ұйымдастыру. Кездесуге прокурор Е.Сейітжанов, аудандық полиция бөлімі бастығының орынбасары Қ.Ерманов, Жосалы кенті әкімінің орынбасары А.Қойшыбаев және кент тұрғындары қатысты.
Кездесу барысында аудандық прокуратура мен аудандық полиция бөлімі жыл көлемінде атқарылған жұмыстары мен қазіргі уақыттағы қылмыстылық деңейіне шолу жасады. Мұнан соң кент тұрғындары өзінің көкейінде жүрген сауалын қойды. Сондай-ақ қоғамда орын алып жатқан кейбір құқық бұзушылық, майда бұзақылықтар, тәртіпсіздік жайында бірқатар сауалға аудан прокуроры мен полиция бөлімінің орынбасары тиісінше заң аясында жауап берді.
