Мемлекет басшысы Қ.К.Тоқаевтың «Сындарлы қоғамдық диалог - Қазақстанның тұрақтылығы мен өркендеуі» атты Жолдауын насихаттау мақсатында бүгін облыстық жастар ресурстық орталығы, облыстық ішкі саясат басқармасы жанындағы дін мәселелерін зерттеу орталығы, облыстық білім басқармасы мамандарының қатысуымен жоғары және арнаулы оқу орындарында студент жастармен кездесуі ұйымдастырылып, ақпараттық-насихаттық топтың алғашқы жұмысы «Ақмешіт» гуманитарлық-техникалық институты, Қызылорда көпсалалы гуманитарлық-техникалық колледжі, И.Әбдікәрімов атындағы Қызылорда аграрлы-техникалық жоғары колледжінде басталды.

Кездесу барысында Жолдауда айтылған басым бағыттарды, сондай-ақ қоғамды толғандырған мәселелер төңірегінде мемлекетті нығайту, отандық бизнесті қолдау, халықты әлеуметтік қорғау және экономиканы дамыту бағытында түсіндірме жүргізді. Кез келген жастың, халықтың сындарлы өтініш-тілегін, ұсынысын жедел әрі тиімді қарастыратын, үніне құлақ асатын қуатты ел, қуатты өңір, ашық диалог алаңын құрудың жолдарына тоқталды.

Негізгі мәлімдеме болашақ азаматтық қоғам жөнінде болды. Ертеңгі елдің болашағы жастарды білім алуға, білімін шыңдауға, аянбай еңбек етуге, ұлттық құндылығымызды, ішкі тұрақтылық пен тәртіпті сақтауға, елін-жерін сыйлауға, қоғамға үлес қосуға шақырды.