Жүз жырауын жүзіктеген жыраулар елінде жыраулар үйі күрделі жөндеуден өтуде

Жосалы кенті орталығындағы Көшеней Рүстембекұлы атындағы «Жыраулар үйінде» аудан әкімі Қалдарбеков Мұса Оспанұлы болып, күрделі жөндеуден өтіп жатқан құрылыс нысанының барысымен танысты.

«К.Рүстембеков атындағы жыраулар үйі» КМҚК ғимаратының шатырына күрделі жөндеу жұмыстары бойынша «Ауыл-Ел бесігі» жобасы шеңберінде жалпы 143 925,0 мың теңге оның ішінде: республикалық бюджеттен 43,917 млн. теңге, облыстық бюджеттен 4,879 млн. теңге бөлініп, мемлекеттік сатып алу конкурсы ұйымдастырылды.

Нәтижесінде "Капстройгрупп-Т" ЖШС –мен жалпы 41580,0 мың теңгеге келісім шарт жасалды.

Қазіргі уақытта құрылыс жұмыстары жүргізілуде. Нысан қараша айында пайдалануға тапсырылатын болады.

Сонымен бірге аудан әкімі Қалдарбеков Мұса Оспанұлы Жосалы кенті орталығындағы Қармақшы аграрлы – техникалық колледжі мен «Шипагер» емханасында күрделі жөндеуден өткізіліп жатқан құрылыс нысандарын көрді.

Әлеуметтік нысандарды аралау барысында сала басшыларына аудан басшысы өз ұсыныс пікірін айтып, құрылыс жұмыстарын мерзімінде аяқтау тапсырылды.

Қармақшы ауданы әкімінің баспасөз қызметі