ҚҰРЫЛЫС ҚАРҚЫН АЛЫП КЕЛЕДІ

Құрылыс: Ауданымызда әлеуметтік-мәдени нысандар құрылысы, елді мекендерді байланыстыратын жолдарды жөндеу, ауылдың сәулеттік келбетін ашатын абаттандыру жұмыстары жүргізілуде. Құрылыс жұмыстарының көлемі 2 млрд. 862 млн. теңге болып, өткен жылмен салыстырғанда ол 93,3 пайызды құрады. Аудан көлемінде 12 айдың қорытындысы бойынша 23 850 шаршы метр болатын 167 жеке тұрғын үйлер пайдалануға берілген. Пайдалануға берілген жеке тұрғын үйлердің өткен жылдың тиісті кезеңімен салыстырғанда 114,6 пайызға өскен. Сатып алу құқығынсыз пайдалануға берілген арендалық тұрғын үйлердің жалпы алаңы 15 777 шаршы метрді құрайды. Аудан бойынша құрылыс жұмыстарына салынған инсвестиция көлемі 2,9 млрд. теңгені құрады. «Нұрлы-Жер» мемлекеттік бағдарламасы шеңберінде «Байқоңыр қаласындағы 50 пәтерлік 5 тұрғын үй құрылысы» объектісінің құрылыс жұмыстарына 2017 жылы облыстық бюджеттен 25 млн. теңге, 2018 жылы республикалық бюджеттен 1 млрд. 899 млн. теңге және облыстық бюджеттен 108,3 млн. теңге қаралып, құрылыс жұмыстары жүргізілуде.

Сонымен қатар, 2018 жылы тұрғын үй нысандарын инженерлік желілермен қамтамасыз ету мақсатында жалпы 227,5 млн. теңгеге кәріз су және ауыз су желілерімен, электр желілерімен, жоғары қысымды жерасты жеткізуші газ құбырымен және жылумен қамтамасыз ету құрылысы 2018 жылдың желтоқсан айында аяқталды.

Жосалы кентіндегі 300 орындық №183 мектеп ғимаратының құрылысы аяқталып, пайдалануға берілді. Иіркөл елді мекеніндегі 50 орындық №12 «Самал», Төребай би елді мекеніндегі 50 орындық №15 «Ақкөгершін» балабақшалары пайдалануға берілді. Сондай-ақ, Жосалы кентіндегі жаз-қыс мезгілінде балалар демалатын лагерь құрылысына облыстық бюджеттен 2017 жылы 100,0 млн. теңге, 2018 жылы 200 млн. теңге қаржы бөлінді. 2019 жылы құрылысы аяқталады. Нысанның жалпы сметалық құны 1 292,2 млн. теңгені құрайды. Мұнан бөлек, алдағы уақытта құрылысы жүргізілетін нысандардың жоба-сметалық құжаттамасын әзір­леуге 2018 жылы 23,7 млн. теңге қаржы жұмсалып, 9 нысанға ЖСҚ, нақтырақ айтқанда, Ақтөбе елді мекенінде қуаты жылына 1500 тонна құс етін өндіру бойынша құс фабрикасын салу үшін сыртқы инженерлік инфрақұрылым желілерімен қамтамасыз ету жұмыстарының жоба-сметалық, Жосалы кентіндегі Қармақшы аграрлы-техникалық колледжінің ауласынан спорт алаңының құрылысы жұмыстарының жоба-сметалық құжаттамаларын, Қуаңдария ауылындағы 100 орындық клуб құрылысы жұмыстарының жоба-сметалық құжаттамаларын, Жосалы кентіндегі бір пәтерлі тұрғын үй құрылысы жұмыстарының жоба-сметалық құжаттамаларын, ІІІ Интернационал ауылындағы спорт кешені құрылысы жұмыстарының жоба-сметалық құжаттамаларын, Байқоңыр қаласында жоғары қысымды жерасты жеткізуші газ құбырын ПК0-ден ПК8+17-ге дейін ауыстыру жұмыстарының жоба-сметалық құжаттамалары әзірленді.

Электр желілерін жаңарту бағытында 2019 жылға «Қармақшы ауданы, Жосалы кенті тұтыну­шыларын электрмен қамту үшін әуе желілері 0,4 кВт электр объектісінің құрылыс-монтаж жұмыстары 60,5 млн. теңге және Жосалы кентіндегі 220/35/10 кВ қосалқы қондырғысын қайта жаңғыртуға 610,6 млн. теңге қаржы қаралды. Облыстық бюджеттен бөлінген 210,4 млн. теңгеге №105, 27, 85, 108, 109 мектептерінің бу қазандықтары қайта салынып, сұйытылған газға көшірілетін болады.