Қорқыт ата кешеніне саяхат
Елбасы Н.Ә.Назарбаевтың «Болашаққа бағдар: Рухани жаңғыру» бағдарламалық мақаласынан туындайтын«Киелі жерлердің географиясы» жобасы аясында Қызылорда қаласынан мектеп оқушылары Қорқыт ата мемориалына саяхат жасады.
Оқушылар Қорқыт Ата мемориалдық мұражайындағы құнды жәдігерлер мен кешен аумағындағы соққан желмен үндескен қобыз ескерткішін, қазақ мифологиясындағы Көк тәңірінің олжасы мен теріс күштерден қорғаушы символы саналатын қошқар мүсінін, көне Рим дәуіріндегі архитектуралық құрылыс үлгісінде салынған амфитеатрды тамашалады.
Сондай-ақ, Қорқыт Ата өмір сүрген дәуірдің тарихы мен мәдениеті жайлы ауқымды мәліметтер мен аңыз әңгімелерге қанық болды. Аудандық жыраулар үйінің өнерпаздарының өнерін тамашалап, "Қармақшы аудандық жастар ресурстық орталығы "КММ-нің және "Қармақшы жастары "ЖҚБ-нің ұйымдастыруымен өткізілген векториналық ойындарға белсене қатысты.
Тәрбиелік мәні зор бұл сапардан оқушылар ерекше әсерге бөленіп, көтеріңкі-көңіл күймен қайтты.
