ҚЫС "ҚАТТЫ" БОЛА МА?

Күз басталмастан қыстың ызғарын сезгендейміз. Ал, қыс қандай болады? Жуық арадағы ауа райы ше? Бұл жайында ОКҚ-да өткен баспасөз мәслихатында гидрометеорталықтың директоры Марина Шмидт хабарлаған болатын.

Мамандар болжамы бойынша қараша айында ауа райы құбылмалы болады. Себебі, синоптикалық процестер жиі алмасып отырады. Күн бірде жылыса, бірде суытады. Кей өңірде жаңбыр жауып, тұман түсіп, көктайғақ болады.
- Қараша айының бірінші, екінші және үшінші онкүндіктерінде ауа райы айтарлықтай төмендейді. Қазақстанның солтүстік жартысында ауа температурасы түнде -10...-20 аязға дейін болса, күндіз -5...-10-ды көрсетеді. Оңтүстік жартысында түнде -5...-10 суық, күндіз 0...-5-ке төмендейді, - деді Марина Шмидт.
Түрлі антициклондарға байланысты желтоқсан айында ауа температурасы 1 °С-тан төменді көрсетеді екен. Қар аз жауады-мыс. Қардың мөлшері солтүстік-шығыс, оңтүстік-батыс, оңтүстік облыстарының кей жерлерінде, сонымен қатар оңтүстік-шығыс және шығыс аймақтардың тау және тау-бөктерлі аймақтарында нормаға жуық жауады.

Айнұр ӘЛИ.

Таным

16 қазан 2018 ж. 2 276 1