Пиза мұнарасы неге құламай тұр?

Ұлыбритания мен Италия зерттеушілері Пиза мұнарасының 3-4 градусқа көлбеу болғанымен қалайша құламай тұрғанына жауап таптық дейді. XII-XIV ғасырдағы Италия архитектурасының ескерткіші дүние жүзіне «құлағалы тұрған мұнара» деген атпен белгілі. Нысан орналасқан аймақта бірнеше қатты жер сілкінісі де болды. Соған қарамастан тарихи жәдігер сыр бермеді. «Бұған басты себеп – құрылыс кезінде төселген жұмсақ топырақ», – деп тапты мамандар. Алғашқы кезде Пиза мұнарасы сегіз бұрышты, 11 метр биіктіктегі негіз үстіне орнатылған балкондары бар 6 қабаттан тұратын қоңыраулы мұнара ретінде салынған. Бірнеше жаңғырту жұмысы жүргізіліп, кейін оның биіктігі 55 метр 86 сантиметрге дейін жетті.