Тегін антивирустар да компьютеріңізді немесе ноутбугыңызды зиянды вирустардан қорғай алады. Тазартқанда да көп кемшілігі жоқ. Баяу жұмыс жасайтыны рас. Лицензиялық антивирустарды компания компьютерлері үшін алмасаңыз, жеке өзіңіз үшін алудың көп керегі жоқ.

Әрине, ақшаңыз жетіп тұрса, лицензиялық антивирус алғаныңыз жөн-ақ. Себебі компьютеріңізде аса құнды дүниелерді сақтайтын болсаңыз, сақтанып сақ болған дұрыс. Ал қарапайым қолданушы үшін қалтасын қақпайтын жол іздеген абзал-ақ. Олай болса интернетте жүктеп алуға болатын тегін антивирус түрлерімен таныстыра отырайық.

Тегін бұл антивирусты 400 миллионға жуық адам қолданады екен. Қолданушы үшін ыңғайлы әрі түсінікті етіп жасалған. Ойын режимін қоссаңыз, арнайы хабарламаларымен мазалай бермейді. Руткит пен фишингтен сәтті қорғайды. Тек бір кемшілігі, уақыт өте келе ақылы түрін ұсынумен мазаңызды қашыруы мүмкін.

Антивирусты мына сілтемеден жүктеп алуға болады.

Бұл – қарапайым интерфейсті тегін антивирус түрі. Басқару беті арқылы компьютерге тазарту жүргізіп, түрлі вирустар мен қателіктерді жоюға болады. Тек фишингтен (интернетте қолданушының логині мен кілт сөзін бұзып, қауіпті немесе жарнама сілтемелерін тарату, алаяқтықтың бір түрі) қорғауға әлсіз.

Антивирусты мына сілтемеден жүктеп алуға болады.

Ең танымал тегін антивирустардың бірі. Өткен жылғы SE Labs лабороториясы зерттеуі бойынша жоғары бағаға ие болған. Фишинг шабуылдардан жақсы қорғайды. Кемшілігі – интерфейсі ыңғайсыз жасалған.

Антивирусты мына сілтемеден жүктеп алуға болады.

Танымал Bitdefender антивирусының тегін нұсқасы. AV-Comparatives таңдауы бойынша 2017 жылдың үздік өнімі марапатын алған. Компьютерді қауіпті вирустар мен фишингтен қорғайды. Интерфейсі қарапайым, әрі түсінікті.  Ақылы түріне қарағанда кей мүмкіндіктері шектелген.

Антивирусты мына сілтемеден жүктеп алуға болады.

Танымал тегін антивирустардың бірі. Ойын режимін қоссаңыз, арнайы хабарламаларымен мазалай бермейді. Бұл антивирустың мүмкіндіктері жоғары, әмбебап. Ақылы нұсқасынан жай жұмыс жасағаны болмаса...

Антивирусты мына сілтемеден жүктеп алуға болады.

Бұл антивирустың атауын бір рет болсын естіген боларсыз. Қазақстандағы танымал ресейлік антивирус түрі. Көптеген рейтингтерде бағасы жоғары тұрған өнімдердің бірі. Антивирустың сканері мықты. Фишингтен қорғануға таптырмас өнім. Тек ақылы түріне қарағанда баяу жұмыс жасайды.

Антивирусты мына сілтемеден жүктеп алуға болады.

Компьютеріңіз немесе ноутбугыңызды қорғауға көмектесетін тегін антивирустардың бірі. Мұнда да ойын режимі бар. Тегін болғандықтан, бұл антивирус та баяу жұмыс жасайды.

Антивирусты мына сілтемеден жүктеп алуға болады.

Windows 10 операциялық жүйесінде Microsoft Security Essentials стандартты антивирусы бар. Өзге антивирустарды орнатпай-ақ осыны қолдана берсеңіз болады. Ескілеу Windows операциялық жүйелерінде болмауы мүмкін. Онда жеке жүктеп алуға болады.

Бұл антивирус түрі де компьютеріңізді айтарлықтай қорғай алады. Операциялық жүйеңізге салмақ түсірмейді. Кемшілігі – мүмкіндігі аса көп емес. Microsoft компаниясының өнімі қажетсіз бағдарламалар, фишинг пен троян бағдарламаларынан қорғай алады.

massaget.kz