Брадзотты біле жүрейік

Брадзотты біле жүрейік (Секіртпе) ауруы. Жануарларды уақытылы бірдейлендіріп, дерекқор жүйесіне енгізіп отыру қажет, тіркелген жануарларға аса қауіпті жұқпалы аурулардың алдын алу мақсатында ветеринариялық профилактикалық-диагностикалық іс-шаралар тегін жүргізіледі. Мысалы, ауыл шаруашылығы жануарлары Брадзот (Секіртпе) ауруына күдік туғызған жағдайда иелері міндетті түрде жергілікті жердегі ветеринариялық пункт мамандарына хабарласулары қажет. Брадзот ауруы. Қойдың (ешкі) брадзоты немесе секіртпе ұлтабар мен ұлтабарұшы ішегінің кілегейлі қабықтарының қанталап қабынуы және ішкі үлпершек ағзалардың азғындауы арқылы ерекшеленетін, жіті өтетін жұғымтал емес жұқпалы ауру.Індеттің ерекшеліктері. Табиғи жағдайда көбінесе екі жасқа дейінгі, әдетте қоңдылығы жоғары малдар шалдығады. Ауру көбінесе қыста, жаздың құрғақ айларында байқалады. Инфекция қоздырушысының бастауы - ауырған қой. Дерттенуі. Стресс-факторлардың (ыстық, суық, ішек құрттары) әсерінен организмнің төзімділігі нашарлап, ішек-қарынның қозғалысқа келуі бұзылып, ауру қоздырушысының жедел өсіп-өнуіне жағдай туады.Өтуі мен белгілері. Аса жіті өткенде сау жүрген қой кенеттен тыпыршып, бір орында секіріп барып құлайды да кенеттен өліп кетеді. Патологоанатомиялық өзгерістер. Өлген қойдың өлексесі бірер сағаттың ішінде газға кеулеп, тез бұзылып, терісі көгереді. Жағымсыз иіс шығып, табиғи тесіктерінен қанды көбік ағады. Балау. Зертханалық зерттеудің нәтижесінде қойылады. Емі. Ауру өте қауырт өтетіндіктен ем әдетте нәтиже бермейді.