ZTE компаниясы YouCare деп аталатын смарт футболканы таныстырды. Ол адам ағзасындағы маңызды биологиялық процестерді тіркеп, оларды 5G желісі арқылы таратады.

"YouCare тоқымадан жасалған киім, оны жууға болады", - дейді өндірушілер.

"Ақылды" футболка Италияда жасалған. Оның матасына денеге сезілмейтін бірнеше полимер датчик тігілген, олар денсаулықтың маңызды параметрлерін бақылайды. Тыныс алу, электрокардиограмма, тер шығару, бұлшықет белсенділігі және басқаларды анықтайды.

Жиналған деректер бүйірде орналасқан миниатюралық басқару орталығына жіберіледі, ол цифрландырылып, смартфонға немесе ақылды сағатқа беріледі. Сонымен қатар, индикаторларды қашықтағы құрылғыға, мысалы, дәрігерге жіберуге болады.

Қазірдің өзінде Халықаралық Қызыл Крест сынды бірнеше ірі ұйымдар жобаға қызығушылық танытып отыр.