Almanyń quramynda S, V1, V2, R, E dárýmenderi men marganes, kalı, kálsı, fosfor, natrı, molıbden, myrysh, barı mıkroelementteri bar. Almadaǵy temir qan aınalym júıesine óte qajet. Sondaı-aq onda jasunyqtyń óte kóp bóligi bar. Alma baýyr, búırek, asqazan, ishek joldarynyń jumystaryn jaqsartady. Bet terisiniń túsin jaqsartyp, jas ári kútimdi etip kórsetedi. Holesterın mólsherin azaıtyp, ish qatýdyń aldyn alady, dıareıany emdep, ımýndyq júıeni nyǵaıtady.Aldyńyzdaǵy tizimdi kórip, eshqandaı nashar qyryn baıqamaǵanyńyzdy aıtarsyz. Asyqpańyz, dıetologtar almanyń quramyndaǵy jasunyqtyń kóp bolýy kolıt (toqishektiń talaýrap, qabynyp aýrýy) aýrýynyń paıda bolýyna ákelip soqtyrýy jáne asqazan-ishek joldarynyń jumysyna zıan tıgizýi ábden múmkin ekendigin aıtady. Ekinshiden, quramyndaǵy jemis qyshqylynyń shamadan tys kóptigi asqazandaǵy jarany ulǵaıtyp jiberý qaýpi bar. Úshinshiden, almanyń qyshqyly tistiń emalyna qatty áser etedi, ıaǵnı ony juqartyp, tisti sezimtal etip shyǵarady. Alma japyraǵynan demdelgen shaıdy kóp ishpegenińiz abzal, munyń qant dıabeti aýrýyna shaldyqtyratyndyǵy dáleldengen.