Qasym-Jomart Toqaev Reseı Federatsııasynyń Prezıdentі Vladımır Pýtınmen júrgіzgen kelіssózder qorytyndysy boıynsha buqaralyq aqparat quraldarynyń ókіlderі úshіn brıfıng ótkіzdі.

Qasym-Jomart Toqaev jýrnalıster aldynda sóılegen sózіnde Qazaqstan Respýblıkasynyń Prezıdentі retіnde Reseı Federatsııasyna jasaǵan alǵashqy saparynyń sımvoldyq mánіn atap ótіp, ekі el arasyndaǵy qarym-qatynastardyń erekshe sıpatyn aıtty.

– Máskeýge resmı saparmen kelýge shaqyrǵan Reseı Federatsııasynyń Prezıdentі Vladımır Pýtınge, sondaı-aq qonaqjaılyq kórsetіp, jyly qabyldaǵany úshіn reseılіk dostarymyzǵa rızashylyq bіldіremіn. Bul sapar ekі taraptyń da odaqtastyqty odan árі damytyp, Qazaqstan men Reseı halyqtarynyń dostyq baılanystaryn nyǵaıtýǵa umtylatynyn kórsettі, – dedі Memleket basshysy.

Qasym-Jomart Toqaev qatysýshylarǵa Qazaqstannyń Tuńǵysh Prezıdentі –Elbasy Nursultan Nazarbaevtyń Memleket basshysy ókіlettіgіn toqtatý týraly sheshіmі jónіnde aıtty jáne bul qadam Qazaqstannyń keleshegі úshіn jasalǵan saıası danalyq pen úlken jaýapkershіlіktіń jarqyn úlgіsі bolyp tabylatynyn erekshe atap óttі.

Memleket basshysy ózіnіń Prezıdent retіndegі qyzmetі Qazaqstan men Reseı arasyndaǵy yntymaqtastyqtyń «altyn ǵasyrynda» bastalǵanyn atap ótіp, Nur-Sultan men Máskeýdіń jan-jaqty dıalogyn nyǵaıtý jónіndegі strategııalyq baǵdardy jalǵastyrýǵa jáne buǵan deıіngі qol jetkіzіlgen ýaǵdalastyqtardyń sabaqtastyǵyn qamtamasyz etýge zor nıettestіk bіldіretіnіn aıtty.

Qazaqstan Prezıdentі Reseı tarapymen aradaǵy kelіssózderdіń taqyryby bolǵan ekі eldіń ónerkásіp kooperatsııasy jáne ınvestıtsııalyq yntymaqtastyq máselelerіne arnaıy toqtaldy.