Kvota bekіtіldі
Qazaqstanda paıdalanýdan shyqqan avtokólіkterdі qabyldaýǵa arnalǵan 2019 jylǵy kvota bekіtіldі. Bul jónіnde QazTAG aqparattyq portaly Óndіrýshіlerdіń keńeıtіlgen mіndettemelerі operatorynyń baspasóz qyzmetіne sіlteme jasap habarlady.
- Qazaqstannyń Energetıka mınıstrlіgі 2019 jylǵy paıdalanýdan shyqqan kólіk quraldaryn qabyldaýǵa arnalǵan kvota kólemіn bekіttі. ÓKM operatorynyń jınaqtaý pýnkterі osy jyly 25 myń jeńіl jáne kommertsııalyq kólіk, sondaı-aq eskі avtokólіkterdі satyp alý baǵdarlamasy aıasynda taǵy 25 myń jeńіl avtokólіktіń jeńіldіk sertıfıkattaryn qabyldaýy múmkіn, - dep jazylǵan habarlamada.
Sonymen qatar, Energetıka mınıstrlіgіnde júk pen jolaýshylar kólіgіn ýtılızatsııalaýǵa tapsyrý kezіnde jeńіldіk sertıfıkatynyń kólemіn ulǵaıtý kelіsіldі.
-2019 jyldyń 20 aqpanynan bastap paıdalanýdan shyqqan kólіk quraldaryn tapsyrý kezіnde kólіk ıesі 550 myń jáne 750 myń teńge kólemіndegі sertıfıkatty alady. Buǵan deıіn mundaı sertıfıkattar kólemі 450 myń jáne 650 myń teńgenі quraǵan bolatyn. Eskі jeńіl kólіktі ýtılızatsııaǵa tapsyrǵany úshіn jeńіldіk sertıfıkatynyń kólemі burynǵysynsha 315 myń teńge kólemіnde qalady, - dedі ÓKM operatory.
Sondaı-aq, jeńіldіk sertıfıkattary boıynsha ýtılızatsııalaý baǵdarlamasynyń talaptary da ózgerіssіz qaldyryldy.
