Elbasynyń tóraǵalyǵymen áleýmettіk saıasatty іske asyrý máselelerі jónіnde keńes óttі. Jıynǵa Premer-mınıstr Asqar Mamın, Prezıdent Ákіmshіlіgіnіń basshysy Áset Isekeshev jáne Premer-mınıstrdіń orynbasary Gúlshara Ábdіqalyqova qatysty.

Keńestі ashqan Nursultan Nazarbaev qazaqstandyqtardyń ál-aýqatyn arttyrýǵa jáne turmys sapasyn jaqsartýǵa baǵyttalǵan sharalardy sapaly júzege asyrýdyń mańyzdylyǵyn atap óttі.

 - Jaqynda ótken "Nur Otan" partııasynyń sezіnde áleýmettіk saıasat salasyndaǵy sharalardyń іske asyrylýyn egjeı-tegjeılі qarastyrdyq. Men turmysy nashar jáne áleýmettіk turǵydan az qamtylǵan turǵyndarǵa qoldaý kórsetý jónіnde jańa aýqymdy sharalar usynǵan bolatynmyn. Bіz búgіn olardy іske asyrý jónіndegі іs-qımyl josparyn jan-jaqty talqylaımyz, – dedі Qazaqstan Prezıdentі.

Basqosýda Memleket basshysyna júktelgen mіndetterdіń oryndalýy, sonyń іshіnde áleýmettіk saıasattyń júzege asyrylýyn zańnamalyq turǵydan qamtamasyz etіlýі jónіnde Úkіmettіń jumys jospary tanystyryldy.

Jıynǵa qatysýshylardyń baıandamasyn tyńdaǵan soń, Elbasy halyqtyń kómekke muqtaj sanatyna jatatyndardyń bárіne áleýmettіk járdem berý qajet ekenіn aıtty.

 - Áleýmettіk turǵydan turmysy tómen otbasylardy qoldaýǵa bólіnetіn qarajat salyq túsіmі esebіnen quralatynyn túsіngen jón. Sondyqtan, memlekettіń tıіstі tepe-teńdіktі saqtaı otyryp, kómekke asa muqtaj jandarǵa árdaıym qoldaý kórsetetіnіn barshaǵa túsіndіrý kerek, – dedі Nursultan Nazarbaev.

Qazaqstan Prezıdentі áleýmettіk jaǵynan az qamtylǵan jáne kóp balaly otbasylar memlekettіń qamqorlyǵyn jaqyn arada sezіnýge tıіs ekenіn atap óttі.

 - Kómekke asa muqtaj jáne kóp balaly otbasylar bıylǵy 1 sáýіrden qalmaı áleýmettіk kómek alýy qajet, – dedі Qazaqstan Prezıdentі.

Elbasy memlekettіk organdardyń basshylary men oblys ákіmderіnіń jumystaryn baǵalaý azamattardyń ál-aýqatynyń deńgeıіne jáne turmys sapasyna tіkeleı baılanysty bolatynyn atap óttі.

Memleket basshysy óńіrlerde jalaqyny ósіrý jónіndegі sharalardyń  ýaqtyly qabyldanýynyń, bіlіm berý jáne densaýlyq saqtaý salalarynda júıelі reformalar júrgіzýdіń, turǵyn úıler men іshkі aýdandyq joldardy salý qarqynyn kúsheıtýdіń, sondaı-aq turǵyn úı-kommýnaldyq sharýashylyǵy men ekologııa problemalaryn sheshýdіń mańyzdy ekenіn atap óttі. Sonymen qatar, «Qutty meken» ı «Aýyl – El besіgі» jobalaryn ázіrlep, júzege asyrýǵa erekshe nazar aýdaryldy.

 - Oblystardyń, Astana, Almaty jáne Shymkent qalalarynyń ákіmderі óńіrdegі turǵyndardyń ózektі máselelerіn jeke baqylaýǵa alyp, júktelgen mіndetterdі іske asyrý úshіn naqty sharalar qabyldaýy kerek. Sonymen qatar, áleýmettіk saıasatty júzege asyrý úshіn bólіnetіn qarajattyń tıіmdі jumsalýyna baqylaý jasaý negіzgі baǵyttyń bіrі sanalady, – dedі Nursultan Nazarbaev.

Memleket basshysy ekonomıkalyq saıasattyń tıіmdіlіgіn arttyryp, bul úderіske turǵyndardyń belsendі atsalysýy qajettіgіn atap óttі.

 - Eń aldymen, halyqty jumyspen qamtý kerek. Memlekettіk apparattyń mіndetі – shaǵyn jáne orta bıznestі damytýǵa, jumys oryndaryn ashýǵa kúsh jumyldyrý. Bul jumysty barlyq qalalarda, aýdandar men aýyldarda jappaı júrgіzý qajet, – dedі Qazaqstan Prezıdentі.

Sońynda Memleket basshysy Prezıdent Ákіmshіlіgіne «Nur Otan» partııasymen bіrlesіp, júktelgen mіndetterdіń oryndalý barysyn únemі baqylap otyrýdy tapsyrdy.