Әлем біріншілігінің күміс жүлдегері

Өзбекстан астанасы Ташкентте таэквондодан жасөспірімдер арасында Әлем чемпионаты өтті.
65 мемлекеттен түрлі салмақ дәрежесі бо­йынша 500-ге жуық жас татами шебері қатысқан әлемдік жарыс­та Байқоңыр қаласындағы №277 мектеп-лицейдің 9 сынып оқушысы Айша Әділбекқызы ел намысын қорғады.
Осыған дейін көптеген халықаралық жарыста 43 келі салмақ дәрежесі бойынша топ жарып, Сыр спор­тының мерейін тасытып келген аудандық №15 маман­дандырылған жасөспірімдер мен балалар спорт мектебінің жаттықтырушылары Аман Жакудаев пен Нұржан Тоғановтың шәкірті Айша жарыс барысында Ресей, Молдавия және Белгия балуанын жығып, ақтық белдесуде ирандық палуан қызға есе жіберіп, Әлем біріншілігінің күміс жүлдесін мойнына тақты.