Кеңес Одағының Батыры Тәйімбет Көмекбаев атындағы самбо
Ұлы Отан Соғысындағы Жеңістің 74 жылдығына арналған Кеңес Одағының Батыры Тәйімбет Көмекбаев атындағы самбодан Халықаралық мемориал өз мәресіне жетті.
Дүниежүзілік самбо федерациясының күнтізбесіне енген дүбірлі додада тоғыз салмақтың мықтылары анықталды.
Сондай ақ, ұлттық спортты насихаттау мақсатында "Барыстар белдесуі" деп айдар таққан қазақ күресінен "Түйе палуандар" сайысына 18 алып қатысып, бабы мен бағы қатар шапқан жерлесіміз Максат Исагабылов жеңімпаз атанды.
Сонымен қатар өз салмақ дәрежесінде керемет өнер көрсетіп, жеңістің биік тұғырынан көрінген қармақшылық Ержан Абдуллаев, Галымжан Абдрахманов, Ерлан Жақсыбеков және Дамир Әбдеков.
Мәртебесі биік мемориалға жыл сайын келіп республика, облыс көлемінде ақпараттық қолдау көрсетіп жүрген аға, бауырларыма алғыс айтамын!
Жарысты ұйымдастырушы Қазақстан Республикасы Мәдениет және спорт министрлігі, Қармақшы Ауданы әкімдігі, облыстық денешынықтыру және спорт басқармасы, Тәйімбет Көмекбаев атындағы қор.
