АЙЛУННЫҢ АСУЫ
Рига қаласында 2008-2009 жылы туған жасөспірімдер арасында таэквондодан өткен Еуропа біріншілігінде он жасар қазақ қызы Айлун Ибраева абсолютті чемпион атанды. Барлық қарсыласын тізе бүктірген ол чемпионаттың спаринг және тули түрі бойынша алтыннан алқа тақты.
Айлунның ата-анасы қызмет барысымен қазіргі кезде Таллинде тұрады. Қаршадай бала таэквондомен бірге, 5 жасынан мұзда мәнерлеп сырғанаумен де шұғылданады. Айлун – егіз. Сыңары – Темірлан хоккейші.
– Немереміздің екеуі де талантты. Айлун мұнан өзге, 2-желтоқсанда Минскіде таэквондодан өткен әлем біріншілігінде ІІ орынды иеленсе, мәнерлеп сырғанаудан Эстонияның Нарва қаласында өткен Еуропа біріншілігінде жоғары балл жинады. Ол табиғатқа етене жақын. Сурет салу, мүсіндеу мен музыка – Айлунның хоббиі. Ал, Темірланымыз шахматты жақсы ойнайды, – дейді үздік оқушылардың ата-әжесі жосалылық Серікбай мен Дина Ибраевтар.
Сәрсенкүл ЖАУДАТБЕК
