Сонымен қатар, ол Головкинмен үшінші жекпе-жекке шығу үшін ешқандай белсенді қадамдар жасауды жоспарламайтын айтты.

Альварес Los Angeles Times басылымына берген сұхбатында «Біздің міндетіміз – көп соққы жасап, қарсыласты қысу болды. Және біз ол тапсырманы орындадық. Мен бастапқы раундтарда соққы жасай бастағанда ол жоғалып кетті. Сол кеште мен күшті болдым. Нәтиже де күмән туғызбайды», – деді Альварес.

«Канело» Головкиннің DAZN компаниясымен келісімшартқа қол қою мүмкіндігіне пікір білдіре отырып, «мені Головкиннің қазір не істеп жатқаны қызықтырмайды. Ол қалаған нәрсесін істей алады», – деді. Ал бұл келісім Головкин мен «Канелоның» үшінші жекпе-жегіне жол ашатын келісімшарт болмақ.

«Бірақ оның жұмысы өзінің мәселесі. Мен бес жылдық кепілдікпен келісімге қол қойдым. Енді бізге ең жақсы шайқастарды ұйымдастырып, үздік жекпе-жекке керемет нұсқаларды табу маңызды. Қазір біз Головкин екеуміз өз жолымызбен келе жатырмыз. Бірақ, егер қайтадан кездессек, мен кездесуге дайын боламын. Егер біз екі жекпе-жек өткізсек, неге үшіншісін өткізбеске»,- дейді Сауль Альварес.

Альварес сондай-ақ, екінші орташа салмақтан жоғары көтерілуді жоспарламайтынын айтты.

«Мен үшін бұл мүмкін емес. Себебі, бәсекелестер өлшем бойынша өте көп артықшылыққа ие болады. Тіпті, орташа салмақта болса да, оларда бұл артықшылық бар», – дейді мексикалық чемпион.