Дойбы да денені шынықтырады

Аудандық дене шынықтыру сауықтыру кешенінде аудандық зағиптар қоғамына 55 жыл толуына және Жосалы корпоративтік қорының 5 жыл толуына орай дойбыдан көз мүгедектері арасында ашық турнир өтті.

Турнирде жан-жақтан келген спортшылар бақ сынасты. Тартысты жарыс нәтижесінде ерлер арасында қызылордалық Тілепбай Әлиев ІІІ орынды, Тойбазар Дүзбаев ІІ орынды иеленсе, айбынды Аралдан келген Ермек Утешов І орынды меншіктеді. Ал, әйелдер арасындағы турнир нәтижесі бойынша қазалылық Қаракөз Тақсырбай ІІІ орынды місе тұтса, жерлестеріміз Күнсұлу Тохпанова ІІ орынды, Райкүл Қайназарова І орынды қанжығасына байлады. Сондай-ақ, Бидайкүл Байманова, Жасұлан Тілеген, Жолмырза Мырзақұлов пен Урал Алекеевтер арнайы номинациямен марапатталды.