Қызылорда қаласында ҚР Спорт күні мерекесіне орай қала тұрғындары мен спортшылардың және әуесқойлардың қатысуымен велошеру өтті.Бұқаралық велошеру облыс орталығындағы "Сыр-Ана" монументінен басталып, Сырдария өзені жағалауындағы Тәуелсіздік даңғылы арқылы "Евразия" спорт кешені алдында мәреге жетті. Осылайша, қатысушылар 7 шақырымды жүріп өтті.

Велошеруге облыс әкімінің орынбасары Руслан Рүстемов, ҚР Спорт және дене шынықтыру істері комитеті төрағасының орынбасары Бекболат Байжанов, облыстық спорт басқармасының басшысы Олжас Акимов және спортшылар, сондай-ақ, әуесқой қызылордалықтар қатысып, салауатты өмір салтын насихаттауға өз үлестерін қосты.