Таеквондодан әлем чемпионаты: Қазақ қызы топ жарды
Фото: Таеквондо федерациясының баспасөз қызметі
Таеквондодан Қазақстан құрамасының өкілі Айым Серікбаева Өзбекстанның бас шаһары Ташкентте өткен жасөспірімдер арасындағы әлем чемпионатында алтын медаль жеңіп алды, деп жазады Egemen.kz.
Отандасымыз А. Серікбаева 44 келіге дейінгі салмақ дәрежесінде топ жарып, финалда мексикалық спортшы Понсе Нуньес Ширлиді 2:0 есебімен айқын басымдықпен ұтты.
Таеквондодан Қазақстан жастар құрамасы соңғы рет алтын медалді 2006 жылы жеңіп алған екен.
Айта кетейік, бұл жарыста Қазақстан құрамасы жалпы үш медаль еншіледі.
Бұған дейін Ерасыл Ерзат (48 келіге дейін) пен Ислам Медетбай (55 келіге дейін) қола жүлдегер атанған.
