Жас спортшы — үлкен жеңіс!

Перудің Лима қаласында өткен жастар арасындағы әлем чемпионатында жерлесіміз, қармақшылық талантты спортшы Сәулебеков Ерасыл Аянұлы қола медаль иеленіп, ел намысын абыроймен қорғады.

Бұл – тек Ерасылдың емес, тұтас Қармақшы ауданының жеңісі! Жас спортшымыздың қайсарлығы мен еңбегі халықаралық деңгейде жоғары бағаланып, Қазақстанның спорттағы мәртебесін тағы бір сатыға көтерді.

Ерасылдың бұл жетістігі – ауданымыздағы жас өрендер үшін үлкен шабыт, зор мотивация. Ол өз табысымен алдағы белестерге ұмтылған жастарға нақты үлгі бола білді.

Жеңісіңмен құттықтаймыз, Ерасыл! Саған келешекте де толағай табыстар, биік тұғырлар тілейміз! Ауданымыздың атын әлемге таныта бер!