МЕКТЕП ОҚУШЫЛАРЫНЫҢ ДӘСТҮРЛІ АУДАНДЫҚ СПАРТАКИАДАСЫ ӨЗ МӘРЕСІНЕ ЖЕТТІ

Кеңес әскерінің Ауған жерінен шығарылғанына 36 жыл толуына орай интернационалист - жауынгерлер Ә.Өміров, Н.Айсауытов, Р.Доспанов және А.Жыңғылбаевтарды еске алу және салауатты өмір салтын насихаттау, аудан жастары арасында спорттың бұқаралығын арттыру, мектеп оқушыларын Отан сүйгіштік рухта тәрбиелеу, әскери-патриоттық тәрбие беру мақсатында ұйымдастырылған мектеп оқушыларының дәстүрлі аудандық спартакиадасы өз мәресіне жетті. Спорттың 8 түрінен өткен жарыстың қорытындысымен жалпы командалық есепте 51 ұпаймен ІІІ орынды - №26 орта мектеп командасы, 52 ұпаймен ІІ орынды - №105 мектеп-лицей командасы және 67 ұпай жинаған №250 мектеп-лицей командасы 1 орынға тұрақтады.

Жарысты аудандық дене шынықтыру және спорт бөлімінің бас маманы Е.Наренов, «Ауғанстан және аймақтық соғыс ардагерлер кеңесі» қоғамдық бірлестігінің төрағасы А.Ерманов қорытындылап, үздік нәтиже көрсеткен командалар марапатталды.