Аудандық спартакиада өтті
ЖОСАЛЫ, 11 ақпан – qarmaqshy-tany.kz Ақпан айының 7-8 күндері аралығында кеңес әскерінің Ауған жерінен шығарылғанына 31 жыл толуына орай интернационалист-жауынгерлер Ә.Өміров, Н.Айсауытов, Р.Доспанов және А.Жыңғылбаевтарды еске алу мақсатында ұйымдастырылған мектеп оқушыларының аудандық спартакиадасы болып өтті.
Спартакиаданың мақсаты салауатты өмір салтын насихаттау, аудан жастары арасында бұқаралық спортты арттыру, мектеп оқушыларын отан сүйгіштік рухта тәрбиелеу, жастарға әскери-патриоттық тәрбие беру.Спартакиада спорттың 9 түрінен (баскетбол, волейбол, тоғызқұмалақ, дойбы, гір тасын көтеру, қол күрес, АК-74 қаруын бөлшектеу және жинақтау, АК-74 қаруының оқжатарын жарақтау, Пневматикалық винтовкадан ату) өткізілді.
Спартакиаданың қорытындысымен жалпы командалық есепте ІІІ орынды 51 ұпай № 30 мектеп, ІІ орынды 55 ұпаймен №26 мектеп жеңіп алса, 56 ұпаймен №250 мектеп-лицеінің командасы жарыс жеңімпазы атанды.
