Спортшыларға сəттілік тіледі
Кеңес əскерінің Ауғанстаннан шығарылғанына 30 жыл толуына орай мектеп оқушылары арасында ұйымдастырылған аудандық спартакиада басталды.
Спартакиадаға кент орталығындағы барлық мектеп құрамаларымен бірге Қармақшы ауылының №113 мектеп спортшылары қатысуда. Жарыс спорттың 9 түрінен өтуде. №183 орта мектепте өткен спартакиаданың ашылу салтанатында аудандық денешынықтыру жəне спорт бөлімінің басшысы Нұрбол Мырзабаев, ауған соғысының ардагері Əбутəліп Жалмағанбетов, мектеп директоры Алтыншаш Кенжеева сөз сөйлеп, спортшыларға сəттілік тіледі. Жəне сол мектепте қыздар мен ұлдар арасында баскетбол, теннис, қол күрес, гір тасын көтеру, шашка мен шахмат, мылтықты жинап, шашу жарыстары басталды. Сонымен қатар, футбол жəне волейбол жарысы 30 орта мектепте өтуде.
